قال الرئيس عبد الفتاح السيسى، :” الدولة المصرية ثابتة ومستقرة.. بالله لأنه مطلع علينا وعلى تصرفاتنا.. والوجود مش ماشى لوحده.. ده ليه صاحب واحنا حريصين فى إدارة الأمور ونراعى ما أمكن أن الله مطلع علينا وهيحاسبنا كلنا”.
وأضاف الرئيس السيسى خلال لقاءه مع أعضاء هيئة التدريس بالأكاديمية العسكرية المصرية والطلبة المستجدين وأسرهم وعدد من دارسى الدورات المدنية، بمناسبة ذكرى العاشر من رمضان، احنا بخير وأمان وسلام وبفضل الله.. وبفضل الله بفضل الله لن يستطيع أحد مش علشان احنا موجودين وقادرين.. علشان هو موجود وكل سنة وأنتم طيبين.
وقال الرئيس السيسى ، هقول كلمة واحدة مهمة اوي.. بحس أن المصريين قلقانين وده أمر جيد، لأن الأحداث اللى جنب مننا تدعو للقلق.. طالما الشعب المصري متماسك وعلى قلب رجل واحد.. أي تحدي بفضل الله هنقدر نتجاوزه وزي ما انتوا شايفين العالم مش بس المنطقة بتدور فيها أحداث متسارعة ومتناقضة أحيانا.. الحفاظ على الدولة المصرية ومقدراتها شغلنا الشاغل.
تابع الرئيس السيسى:”تعاملنا مع كل القضايا والتحديات بحسابات دقيقة جدا وبتريث وصبر كبير جدا.. عزائي الوحيد إن شعب مصر ودي مش مجاملة والله.. هو اللى مخلي الأمور رغم قساوتها وظروفها الصعبة نقدر نجابهها.. بيكم أنتم المصريين وقبلنا الله سبحانه وتعالي اللى مطلع علينا وشايف بندير الأمور إزاي.. بنسعي للتهدئة وإيقاف إطلاق النار ومنع المنازعات وعمل كل ما يمكن لتهدئة وإيقاف الصراعات والاقتتال والحروب.
