خرج خالد يوسف بفيديو جديد بثه عبر صفحته علي موقع الفيسبوك ،ليكشف فيه عن كافة التفاصيل في قضية المخرج ،عمر زهران ، بعد حبسه في قضية سرقة مجوهرات زوجته ،بحسب قوله.
وقال يوسف : «على الرغم كل ما قيل، آثرت أن أصمت تماما، ويحكم القضاء ويقول كلمته في النهاية، فيه قضاء وفيه بوليس، معملناش حاجة خطأ، إننا اتسرقنا، وتوجهنا للبوليس واتاخدت أقوال زوجتي وأقوالي، وقدم المتهم للمحاكمة».
وتابع: «فجأة أديرت حملة ضدنا، وكأننا من ارتكبنا الجريمة، فإحنا مجني علينا، واحتكمنا للقانون، وفوجئنا بحملة شديدة الإجرام، واتهامات لنا رهيبة، توجهت للقضاء وتقدمت ببلاغات ضد من اتهموني وأساءوا لي، ومن انهاردة مش هسكت، اللي عايز يقول أي حاجة، يتفضل يقول ولنا لقاء في ساحة القضاء».
واستطرد المخرج خالد يوسف: «زوجتي عاشت فترة في جدة، وشقتها في الفورسيزونز كانت مقفولة، اتنين معاهم المفاتيح عمر زهران والمحاسب بتاعها مصطفى، وعمر اشتغل معاها عشر سنين وكان مسؤول عن عقاراتها في مصر ويشرف على تنظيم ديكورات أو فرش جديد، ودايما كان كل الناس فاهمة إن صديقنا، مش شغال معانا».
وتابع: «لما اتسرقت المجوهرات، تم حفظ القضية في البداية، زوجتي حاولت فتح القضية من جديد، عمر زهران كان بيحاول إقناعها بعدم فتح القضية من جديد، وقال لها تعالي ندور في الشقة جايز نلاقيها من جديد، وزوجتي شعرت بتوتره، وبدأت تشك فيه».
وأوضح خالد يوسف: «بدأ يدور مع واحد اسمه عنتر، ومع كل بحث في الشقة، كانوا بيلاقوا جزء من المجوهرات، لمدة خمس مرات، ووفقا لأقوال عنتر، قال كنت بدور بالساعة والساعتين، وعمر يقول لي، دور في الحتة دي فألاقي جزء من المسروقات».
وتابع خالد يوسف في الفيديو: «لما صدر قرار ضبط واحضار لعمر زهران، فتشوا الشقة وجدوا شنطة عليها رسمة الموناليزا، وقالهم شاليمار مديهالي هدية، فلما حققوا مع شاليمار أنكرت أنها مديهاله هدية، فهي بتعتز بالشنطة دي جدا، ولما فتحوا الشنطة لاقوا إكسسوارات كتير وفيها ألماظ ودهب وفضة، وعمر زهران قال إنها مدهيالي هدية».
